‘పెద్ది’ మొదటి రోజే రూ.135 కోట్లు.. గ్లోబల్ స్టార్ రామ్ చరణ్ కెరీర్లోనే బిగ్గెస్ట్ ఓపెనింగ్స్!
గ్లోబల్ స్టార్ రామ్ చరణ్, డైరెక్టర్ బుచ్చిబాబు సానా కాంబినేషన్లో వచ్చిన రూరల్ స్పోర్ట్స్ డ్రామా ‘పెద్ది’ (Peddi) బాక్సాఫీస్ వద్ద మొదటి రోజే ఊహించని రేంజ్లో సునామీ సృష్టించింది. మిక్స్డ్ టాక్ వచ్చినప్పటికీ.. రామ్ చరణ్ మాస్ ఇమేజ్, ఆడియన్స్లో ఉన్న విపరీతమైన క్రేజ్ వల్ల మొదటి రోజు కలెక్షన్స్ సరికొత్త రికార్డులను తిరగరాశాయి.
మేకర్స్ అధికారికంగా విడుదల చేసిన పోస్టర్ ప్రకారం.. ‘పెద్ది’ సినిమా మొదటి రోజు ప్రపంచవ్యాప్తంగా ఏకంగా రూ. 135.36 కోట్ల గ్రాస్ (135.36 CR+ Gross Worldwide) వసూలు చేసి ‘బాక్సాఫీస్ ఛాంపియన్’ గా నిలిచింది.
చరణ్ కెరీర్లోనే సరికొత్త మైలురాయి! రాజమౌళి దర్శకత్వం వహించిన ‘ఆర్ఆర్ఆర్’ (RRR) మల్టీస్టారర్ మినహాయిస్తే.. రామ్ చరణ్ సోలో హీరోగా నటించిన సినిమాల్లో ఇదే కెరీర్ బెస్ట్ అండ్ బిగ్గెస్ట్ ఓపెనింగ్ కావడం విశేషం. నైజాం మార్కెట్తో పాటు ఆంధ్రప్రదేశ్లోని అన్ని ఏరియాల్లోనూ పల్లెటూరి బ్యాక్డ్రాప్, చరణ్ పహిల్వాన్ లుక్కి మాస్ ఆడియన్స్ బ్రహ్మరథం పట్టారు. అడ్వాన్స్ బుకింగ్స్ నుంచే సంచలనం సృష్టించిన ఈ చిత్రం, మొదటి రోజు అన్ని ప్రధాన థియేటర్లలో హౌస్ఫుల్ బోర్డులతో దర్శనమిచ్చింది.
ఓవర్సీస్ లోనూ గ్లోబల్ స్టార్ హవా! కేవలం తెలుగు రాష్ట్రాల్లోనే కాకుండా.. ఓవర్సీస్ (USA) మరియు నార్త్ ఇండియా (हिन्दी) బెల్ట్లో కూడా ‘పెద్ది’ గట్టి ఓపెనింగ్స్ రాబట్టింది. బుచ్చిబాబు సానా చూపించిన 1980ల నాటి నేటివిటీ ఎమోషన్, క్రికెట్ మరియు కుస్తీ ఎపిసోడ్స్ కమర్షియల్గా బాగా వర్కవుట్ అయ్యాయి. మొదటి రోజే రూ. 135 కోట్లు దాటేయడంతో, లాంగ్ వీకెండ్ ముగిసేసరికి ఈ సినిమా మరిన్ని భారీ వసూళ్లను సాధించడం ఖాయంగా కనిపిస్తోంది.
టాక్తో సంబంధం లేకుండా కేవలం ‘రామ్ చరణ్’ అనే సింగిల్ బ్రాండ్తో ఈ రేంజ్ ఓపెనింగ్స్ రావడం ట్రేడ్ వర్గాలను సైతం ఆశ్చర్యపరుస్తోంది. మరి రాబోయే రోజుల్లో ఈ ‘పెద్ది’ బాక్సాఫీస్ రన్ ఇంకెన్ని రికార్డులను కొల్లగొడుతుందో చూడాలి!
మరి మీరు మూవీ చూశారా మీకు ఎలా అనిపించింది కింద కామెంట్ చేయండి.