రామ్ పోతినేని డైరెక్టర్ కావడానికి కారణం అదేనా..?

ఎనర్జిటిక్ స్టార్ రామ్ పోతినేని (Ram Pothineni) తన కెరీర్‌లో ఒక సంచలన నిర్ణయం తీసుకున్నారు. కేవలం హీరోగానే కాకుండా తన 23వ సినిమా (RAPO23) కోసం ఏకంగా మెగాఫోన్ పట్టి దర్శకుడిగా మారుతున్నారు. మొన్న ఆయన బర్త్‌డే (మే 15, 2026) రోజున “వీర” (Veera) అనే టైటిల్‌తో ఈ సైకలాజికల్ యాక్షన్ థ్రిల్లర్‌ను అనౌన్స్ చేసి అందరికీ షాకిచ్చారు. “ది స్టోరీ ఆఫ్ ఏ లోన్ వోల్ఫ్” (Lone Wolf) అనే ట్యాగ్‌లైన్‌తో వస్తున్న ఈ సినిమా ఇండస్ట్రీలో పెద్ద హాట్ టాపిక్ అయింది. అసలు రామ్ డైరెక్షన్ ఎందుకు చేయాలనుకున్నాడు? దీని వెనుక ఉన్న కథ ఏంటో ఒకసారి విశ్లేషిద్దాం.

రామ్ ఎవరి దగ్గరైనా అసిస్టెంట్ డైరెక్టర్‌గా పనిచేశాడా? డైరెక్టర్ అవ్వాలంటే ముందు ఎవరి దగ్గరైనా పని చేయాలి కదా అని చాలామందికి ఉన్న సందేహం. ఇక్కడ వాస్తవం ఏంటంటే.. రామ్ ఏ డైరెక్టర్ దగ్గరా అసిస్టెంట్ డైరెక్టర్‌గా పని చేయలేదు. అయితే, ఒక సినిమాకు దర్శకత్వం వహించడానికి కావాల్సిన ప్రాక్టికల్ నాలెడ్జ్ మొత్తం ఆయన కెమెరా ముందే నేర్చుకున్నారు. 2006లో ‘దేవదాసు’తో మొదలైన ఆయన ప్రయాణంలో గడిచిన 18 ఏళ్లుగా ఎంతోమంది టాప్ డైరెక్టర్ల వర్కింగ్ స్టైల్‌ను దగ్గరుండి గమనించారు. ఆయనకు ఉన్న ఆ అపారమైన అనుభవమే ఆయనకు అతిపెద్ద ఫిల్మ్ స్కూల్!

అసలు తనే డైరెక్ట్ ఎందుకు చేయాలనుకున్నాడు? ఈ సినిమా కథ రామ్ స్వయంగా రాసుకున్నదే. సమాజంలో జరిగే క్రైమ్, దాన్ని ఎదిరించే ఒక ‘లోన్ వోల్ఫ్’ (ఒంటరి తోడేలు) కాన్సెప్ట్‌తో ఒక డార్క్ అండ్ సైకలాజికల్ స్క్రిప్ట్‌ను ఆయన సిద్ధం చేసుకున్నారు. మొదట ఈ ప్రాజెక్ట్ కోసం లోకేష్ కనగరాజ్ శిష్యుడైన లోగి విఘ్నేశ్ లాంటి యువ దర్శకులతో చర్చలు జరిగాయి. కానీ, తన మైండ్‌లో ఉన్న ‘విజన్’ను, ఆ డార్క్ క్యారెక్టరైజేషన్‌ను వేరే ఏ డైరెక్టర్ వంద శాతం తెరపైకి తీసుకురాలేరని రామ్ ఫీల్ అయ్యారు. తన కథకు తానే న్యాయం చేయగలననే నమ్మకంతో ఏకంగా డైరెక్షన్ బాధ్యతలు భుజాన వేసుకున్నారు. తన సొంత ప్రొడక్షన్ ‘రాపో సినిమాటిక్స్’ పై కృష్ణ పోతినేని ఈ చిత్రాన్ని నిర్మిస్తున్నారు.

యాక్టర్ టూ డైరెక్టర్.. వయా ‘ఆంధ్రా కింగ్ తాలుకా’! రామ్ లోని ఈ క్రియేటివ్ యాంగిల్ ఒక్కసారిగా బయటకు రాలేదు. మీరు కరెక్ట్‌గా గమనిస్తే.. రీసెంట్‌గా వచ్చిన ఆయన ‘ఆంధ్రా కింగ్ తాలుకా’ (Andhra King Taluka) సినిమాలోనే రామ్ తన మల్టీ-టాలెంట్‌ను బయటపెట్టారు. డైరెక్టర్ పి. మహేష్ బాబు తెరకెక్కించిన ఆ చిత్రంలో రామ్ కేవలం హీరోగా మాత్రమే కాకుండా.. వివేక్-మెర్విన్ సంగీతంలో “పప్పీ షేమ్” (Puppy Shame) అనే పాటకు సాహిత్యం (Lyrics) అందించారు. అంతేకాకుండా, అనిరుధ్ తో కలిసి “నువ్వుంటే చాలే” అనే చార్ట్‌బస్టర్ సాంగ్‌ను స్వయంగా పాడారు కూడా!

నటుడిగా స్టార్ డమ్ చూసిన తర్వాత.. తనలోని క్రియేటివ్ రైటర్‌ను, సింగర్‌ను బయటకు తీసిన రామ్.. ఇప్పుడు నేరుగా దర్శకుడిగా మారుతుండటం నిజంగా సాహసమే. ఒకప్పుడు పవన్ కళ్యాణ్ ‘జానీ’ సినిమాతో ఇలాంటి రిస్క్ చేశారు. ఇప్పుడు ప్రదీప్ రంగనాథన్ లాంటి వాళ్లు డైరెక్షన్ చేస్తూ హీరోలుగా సక్సెస్ అవుతున్నారు. మరి రామ్ పోతినేని ఈ డ్యూయల్ రోల్ (Actor-Director) లో 2026 డిసెంబర్‌లో బాక్సాఫీస్ వద్ద ఎలాంటి సెన్సేషన్ క్రియేట్ చేస్తాడో చూడాలి!

చూడాలి మరి రామ్ డైరెక్ట్ చేస్తున్న ఈ సినిమా ఎలాంటి హిట్ అయితదో మీరు ఏమంటారు కింద కామెంట్ చేయండి