శంకర్ డ్రీమ్ ప్రాజెక్ట్ ‘వేల్పారి’ కి.. హీరో దొరికేశాడు
డైరెక్టర్ శంకర్ (S. Shankar) అంటేనే ఇండియన్ బాక్సాఫీస్ దగ్గర ఒక సెన్సేషన్. భారీ బడ్జెట్, కళ్లు చెదిరే విజువల్స్, వావ్ అనిపించే టెక్నాలజీ, దానికి తోడు ఒక స్ట్రాంగ్ సోషల్ మెసేజ్.. ఇవి శంకర్ సినిమాలకు కేరాఫ్ అడ్రస్. రామ్ చరణ్ ‘గేమ్ ఛేంజర్’ మూవీ ఫ్లాప్ అవ్వడం తో కొంత గ్యాప్ తీసుకొని , తన నెక్స్ట్ మూవీకి సంబంధించిన గ్రౌండ్ వర్క్ సైలెంట్ గా మొదలుపెట్టేశారు. ఇదొక మామూలు సినిమా కాదు.. శంకర్ ఎన్నో ఏళ్లుగా కలలు కంటున్న డ్రీమ్ ప్రాజెక్ట్. అదే ‘వేల్పారి’ (Velpari). ఇప్పుడు ఈ భారీ ప్రాజెక్ట్లో హీరో ఎవరనే దానిపై కోలీవుడ్ మీడియాలో ఒక పేరు స్ట్రాంగ్ గా వినిపిస్తోంది. ఆ డీటెయిల్స్ ఏంటో చూద్దాం.
అసలు ఏంటి ఈ ‘వేల్పారి’ ప్రాజెక్ట్? ప్రముఖ తమిళ రచయిత, ఎంపీ సు. వెంకటేశన్ రాసిన అద్భుతమైన చారిత్రక నవల ‘వీర యుగ నాయగన్ ‘వేల్పారి’ (Veera Yuga Nayagan Velpari). ఇది క్రీస్తుపూర్వం నాటి కథ. ప్రకృతిని, అడవిని ప్రాణంగా ప్రేమించే ఒక గిరిజన తెగ నాయకుడు ‘వేల్పారి’ . తమ అడవిని, సంపదను ఆక్రమించుకోవాలని చూసిన చేర, చోళ, పాండ్య రాజుల ముగ్గురి సైన్యాలను ఒంటరిగా ఎదిరించి నిలిచిన ఒక వీరుడి అద్భుతమైన కథ ఇది. ఈ నవల చదివి ఫిదా అయిన శంకర్, అప్పుడే దీని రైట్స్ కొనుగోలు చేసి సినిమాగా తీయాలని ఫిక్స్ అయ్యారు.
రేసులో నిలిచిన హీరోలు.. ఫైనల్ గా ధనుష్? ఈ పాన్ ఇండియా (లేదా పాన్ వరల్డ్) ప్రాజెక్ట్ కోసం ముందుగా చాలా మంది స్టార్స్ పేర్లు వినిపించాయి. కోలీవుడ్ స్టార్ హీరో సూర్య, బాలీవుడ్ నుంచి రణవీర్ సింగ్, అలాగే ‘కేజీఎఫ్’ స్టార్ యశ్ పేర్లు బలంగా వినిపించాయి. కానీ ఇప్పుడు కోలీవుడ్ ఇన్సైడ్ వర్గాల సమాచారం ప్రకారం.. నేషనల్ అవార్డ్ విన్నింగ్ యాక్టర్ ధనుష్ (Dhanush) పేరు ఈ ప్రాజెక్ట్ కోసం అత్యంత స్ట్రాంగ్ గా వినిపిస్తోంది. శంకర్ మరియు ధనుష్ మధ్య ఇప్పటికే దీనికి సంబంధించి ప్రాథమిక చర్చలు కూడా జరిగాయని టాక్.
శంకర్ ఛాయిస్ ధనుష్ ఎందుకు అయ్యాడు? ‘వేల్పారి’ పాత్రకు అద్భుతమైన నటనా ప్రతిభతో పాటు, ఒక రకమైన ‘రా అండ్ రస్టిక్’ (Raw and Rustic) లుక్ కావాలి. అడవి బిడ్డగా, ఒక యుద్ధ వీరుడిగా కనిపించాలంటే ఆ కళ్ళలో ఇంటెన్సిటీ ఉండాలి. ధనుష్ గతంలో చేసిన ‘అసురన్’, ‘కర్ణన్’ లాంటి సినిమాలు చూస్తే.. ఇలాంటి పాత్రలకు అతను ఎంత పర్ఫెక్ట్ గా సూట్ అవుతాడో అర్థమవుతుంది. అందుకే ఈ డ్రీమ్ ప్రాజెక్ట్ కు ధనుష్ అయితేనే పూర్తి న్యాయం చేయగలడని శంకర్ భావిస్తున్నారట.
బడ్జెట్ లెక్కలు.. రికార్డులు బద్దలే! ఇది కేవలం ఒక సినిమాగా కాకుండా, ‘బాహుబలి’, ‘పొన్నియిన్ సెల్వన్’ తరహాలో రెండు లేదా మూడు భాగాలుగా (Parts) తెరకెక్కించే ఆలోచనలో శంకర్ ఉన్నారట. వందల ఏళ్ల నాటి అడవులు, జంతువులు, భారీ యుద్ధ సన్నివేశాల కోసం హాలీవుడ్ స్థాయి వీఎఫ్ఎక్స్ (VFX) అవసరం అవుతుంది. కాబట్టి ఈ సినిమా బడ్జెట్ దాదాపు రూ. 1000 కోట్లకు పైగానే ఉండొచ్చని ట్రేడ్ పండితుల అంచనా.
ప్రస్తుతం ధనుష్ కుభేర, ఇళయరాజా బయోపిక్ లాంటి భారీ ప్రాజెక్టులతో బిజీగా ఉన్నాడు. అటు శంకర్ కూడా తన చేతిలో ఉన్న ప్రాజెక్టులను ఫినిష్ చేయాలి. ఇవన్నీ పూర్తయిన తర్వాత ఈ ‘‘వేల్పారి’ ప్రాజెక్ట్ పై అఫీషియల్ అనౌన్స్మెంట్ వచ్చే అవకాశం ఉంది. శంకర్ విజువల్స్ కి, ధనుష్ యాక్టింగ్ తోడైతే బాక్సాఫీస్ దగ్గర హిస్టరీ క్రియేట్ అవ్వడం ఖాయం!దీని పై మీ అబిప్రాయాన్ని కామెంట్ రూపం లో మాతో పంచుకోండి.