‘పెద్ది’ వన్ వీక్ బాక్సాఫీస్ రిపోర్ట్ 7 రోజుల్లో ఏకంగా అన్ని వందల కోట్లా..

గ్లోబల్ స్టార్ రామ్ చరణ్ (Ram Charan), డైరెక్టర్ బుచ్చిబాబు సానా కాంబినేషన్‌లో వచ్చిన రూరల్ యాక్షన్ డ్రామా ‘పెద్ది’ (Peddi) బాక్సాఫీస్ వద్ద తన ఫస్ట్ వీక్ (మొదటి వారం) రన్‌ను దిగ్విజయంగా పూర్తి చేసుకుంది. నెగిటివ్ మరియు మిక్స్‌డ్ టాక్‌ను తన మాస్ స్టార్‌డమ్‌తో డామినేట్ చేసిన చరణ్, వసూళ్ల పరంగా బాక్సాఫీస్ దగ్గర ‘ఛాంపియన్’ గా నిలిచాడు.

తాజాగా మేకర్స్ అధికారికంగా విడుదల చేసిన ఫస్ట్ వీక్ పోస్టర్ ప్రకారం.. ‘పెద్ది’ సినిమా మొదటి 7 రోజుల్లో ప్రపంచవ్యాప్తంగా ఏకంగా రూ. 345 కోట్ల గ్రాస్ (345 CR+ Gross Worldwide) కొల్లగొట్టి ట్రేడ్ వర్గాలను సైతం ఆశ్చర్యపరిచింది.

వర్కింగ్ డేస్ లోనూ స్టడీ వసూళ్లు! మొదటి 5 రోజుల్లో రూ. 315 కోట్లు రాబట్టిన ఈ చిత్రం, 6 మరియు 7వ రోజు (మంగళ, బుధవారాలు) వర్కింగ్ డేస్ లోనూ బాక్సాఫీస్ వద్ద స్టడీగా నిలబడింది. ఈ రెండు రోజుల్లో కలిపి దాదాపు రూ. 30 కోట్ల గ్రాస్ వసూలు చేసి తన స్ట్రాంగ్ హోల్డ్ ను నిరూపించుకుంది. పల్లెటూరి బ్యాక్‌డ్రాప్, రామ్ చరణ్ ఊరమాస్ పహిల్వాన్ లుక్ బి, సి సెంటర్ల (B & C Centers) ప్రేక్షకులకు బాగా కనెక్ట్ అవ్వడంతో మాస్ థియేటర్లలో ఈ సినిమాకు తిరుగులేకుండా పోయింది.

సెకండ్ వీకెండ్ టార్గెట్ 400 కోట్లు! ఇక ఈ రోజు నుంచి సినిమా రెండవ వారంలోకి (Second Week) అడుగుపెడుతోంది. శుక్రవారం నుంచి మళ్లీ వీకెండ్ అడ్వాంటేజ్ మొదలవుతుంది కాబట్టి, ఈ సెకండ్ వీకెండ్ పూర్తయ్యేసరికి ‘పెద్ది’ సినిమా రూ. 400 కోట్ల క్లబ్‌లో అఫీషియల్ గా ఎంటర్ అవ్వడం దాదాపు ఖాయంగా కనిపిస్తోంది. జాన్వీ కపూర్ గ్లామర్, ఏఆర్ రెహమాన్ మ్యూజిక్ కూడా సినిమాకు ప్లస్ అయ్యాయి. బయ్యర్లకు ఫస్ట్ వీక్‌లోనే దాదాపు చాలా ఏరియాల్లో సేఫ్ జోన్‌కు దగ్గరగా వసూళ్లు రావడం విశేషం.

చూస్తుంటే ఫుల్ రన్‌లో చరణ్ తన పేరిట ఉన్న పాత రికార్డులన్నింటినీ తుడిచిపెట్టేసేలా ఉన్నాడు!

రామ్ చరణ్ పెద్ది మూవీ ఇంకా ఎన్ని కోట్లు వసూల్ చేస్తది అని మీరు అనుకుంటున్నారు కింద కామెంట్ చేయండి..