గ్రాఫిక్స్ (VFX) మోజులో మన సినిమాలు అసలు ‘సోల్’ కోల్పోతున్నాయా?
ఈ మధ్య కాలంలో వస్తున్న పెద్ద సినిమాలు చూస్తుంటే ప్రేక్షకులకు ఒక కొత్త సందేహం వస్తోంది. “మనం సినిమా చూస్తున్నామా లేక వీడియో గేమ్ ఆడుతున్నామా?” అని. ఎందుకంటే ‘ఆదిపురుష్’, ‘కల్కి’, ‘విశ్వంభర’ లాంటి సినిమాల షూటింగ్ మొత్తం స్టూడియోల్లో, గ్రీన్ మ్యాట్ (Green Mat/Blue Screen) ముందే జరిగిపోతోంది. ఒకప్పుడు అద్భుతమైన లొకేషన్లకు వెళ్లి కష్టపడి షూట్ చేసేవారు, ఇప్పుడు అంతా కంప్యూటర్ గ్రాఫిక్స్ (VFX) మాయే.
సహజత్వం ఎక్కడ? అత్యుత్తమ విజువల్స్ చూపించాలనే తాపత్రయంలో మన దర్శకులు సహజత్వాన్ని చంపేస్తున్నారు. నటీనటులు గ్రీన్ మ్యాట్ ముందు నిలబడి, ఏమీ లేని చోట ఏదో ఉన్నట్లు ఊహించుకుని నటించడం వల్ల వారి ముఖాల్లో సరైన ఎమోషన్స్ పలకడం లేదు. ఆ గ్రాఫిక్స్ ఫైనల్ అవుట్పుట్ చూశాక, ఎక్కడో కృత్రిమత్వం (Artificial feel) స్పష్టంగా కనిపిస్తోంది. వందల కోట్లు ఖర్చు పెడుతున్నా ఆ సోల్ మిస్ అవుతోంది.
కొన్ని సినిమాలకే ఇది కరెక్ట్! ఫాంటసీ, సైన్స్ ఫిక్షన్ కథలకు వీఎఫ్ఎక్స్ తప్పనిసరి. కానీ ప్రతి కమర్షియల్ సినిమాకు వీఎఫ్ఎక్స్ వాడటం, నేచురల్ లైటింగ్ వదిలేసి స్టూడియోల్లోనే సెట్స్ వేయడం బడ్జెట్ను అమాంతం పెంచేస్తోంది. గ్రాఫిక్స్ అనేది కథను ఎలివేట్ చేయడానికి ఒక టూల్ మాత్రమే కావాలి తప్ప, గ్రాఫిక్స్ కోసమే కథ రాసుకునే పరిస్థితి వస్తే థియేటర్లలో ప్రేక్షకులకు విసుగు రావడం ఖాయం అని ట్రేడ్ పండితులు హెచ్చరిస్తున్నారు.
మరి మీరు ఏమంటారు vfx మూవీస్ లో స్టోరీ ఉంటుందా కామెంట్స్ లో పంచుకోండి.