మీరు ఎవరికైనా మోస్ట్ బాడ్ యాస్ సిస్టర్.. థాంక్యూ నయన్”: ‘Toxik’ ఈవెంట్లో యష్ ఇంట్రెస్టింగ్ కామెంట్స్!
రాకింగ్ స్టార్ యష్ (Yash), లేడీ సూపర్ స్టార్ నయనతార (Nayanthara) కాంబినేషన్లో రాబోతున్న పాన్-ఇండియా మూవీ ‘Toxik’ పై దేశవ్యాప్తంగా ఎలాంటి అంచనాలు ఉన్నాయో ప్రత్యేకంగా చెప్పనక్కర్లేదు. రీసెంట్గా జరిగిన ఈ మూవీ ట్రైలర్ లాంచ్ ఈవెంట్లో ఈ ఇద్దరు స్టార్స్ ఒకరిపై ఒకరు ప్రశంసల వర్షం కురిపించుకున్నారు. ఈ ఈవెంట్లో యష్ మాట్లాడుతూ.. నయనతార గురించి, ఈ సినిమాలో ఆమె పాత్ర గురించి కొన్ని ఆసక్తికరమైన విషయాలను పంచుకున్నారు.
లేడీ సూపర్ స్టార్.. నయనతారను ఉద్దేశించి యష్ మాట్లాడుతూ.. “నయన్, నేను మీకు నిజంగా కృతజ్ఞతలు చెప్పాలి. ఈ సినిమాను ఎంచుకోవడానికి, మీరు ఈ సినిమాలో చేయడానికి మీరు చాలా గొప్ప మనసు (Grace) చూపించారు. మీరు ఒక లేడీ సూపర్ స్టార్. మీకంటూ సోలోగా రన్ అయ్యే సినిమాలు, మీకంటూ ఒక మార్కెట్, మిమ్మల్ని ఎంతో ప్రేమించే ఫ్యాన్స్ ఉన్నారు. అలాంటి మీరు ఈ సినిమా చేయడానికి ఒప్పుకోవడం నిజంగా గ్రేట్” అని కొనియాడారు.
డేట్స్ ఇష్యూ ఉన్నా.. ఈ సినిమాకి నయనతారను అనుకున్నప్పుడు డేట్స్ విషయంలో కొంత ఇబ్బంది ఎదురైందని, సమయం చాలా తక్కువగా ఉందని యష్ తెలిపారు. “అయినా కూడా మీరు ఈ సినిమా కోసం కమిట్ అయిన విధానం నాకు చాలా నచ్చింది. డేట్స్ ఇష్యూస్ ఉన్నప్పటికీ మీరు మీ బెస్ట్ ఇచ్చారు” అని యష్ ప్రశంసించారు.
మోస్ట్ బాడ్ యాస్ సిస్టర్! ఈ సినిమాలో నయనతార పాత్ర ఎంత పవర్ఫుల్గా ఉండబోతోందో యష్ తన మాటల ద్వారా హింట్ ఇచ్చారు. “మీరు ఈ సినిమాలో ఎలా ఉన్నారంటే.. ఎవరికైనా ఉండే ‘మోస్ట్ బాడ్ యాస్ సిస్టర్’ (Most Badass Sister) లా కనిపిస్తున్నారు. ఈ క్యారెక్టర్కు మీరు పర్ఫెక్ట్గా న్యాయం చేశారు. థాంక్యూ సో మచ్ నయన్” అంటూ యష్ తన ప్రసంగాన్ని ముగించారు.
దీన్ని బట్టి ‘Toxik’ సినిమాలో నయనతార, యష్కు సోదరి పాత్రలో ఒక పవర్ఫుల్ అవతార్లో కనిపించబోతోందని స్పష్టమవుతోంది. ఈ ఇద్దరి కాంబినేషన్ సిల్వర్ స్క్రీన్ పై ఎలాంటి సంచలనాలు సృష్టిస్తుందో చూడాలి.
దీని పై మీ అభిప్రాయాలను కింద కామెంట్స్ లో మాతో పంచుకోండి.