మెగాస్టార్ పెద్దరికం: శేఖర్ మాస్టర్, జానీ మాస్టర్ వివాదానికి చెక్..
టాలీవుడ్లో ఏ సమస్య వచ్చినా ముందుండి పరిష్కరించే ‘పెద్ద దిక్కు’ మెగాస్టార్ చిరంజీవి (Megastar Chiranjeevi). ఇండస్ట్రీలో ఎవరికి ఏ కష్టం వచ్చినా, ఎవరి మధ్య మనస్పర్థలు వచ్చినా తానున్నాను అంటూ అండగా నిలబడటంలో ఆయన ఎప్పుడూ ముందుంటారు. తాజాగా మెగాస్టార్ మరోసారి తన గొప్ప మనసును, పెద్దరికాన్ని చాటుకున్నారు.
గత కొంతకాలంగా టాలీవుడ్ డాన్సర్స్ అసోసియేషన్ (Dancer Association) కు సంబంధించి టాప్ కొరియోగ్రాఫర్స్ శేఖర్ మాస్టర్, జానీ మాస్టర్ మధ్య కొన్ని విభేదాలు తలెత్తిన విషయం తెలిసిందే. ఈ వివాదం రోజురోజుకూ ముదురుతున్న నేపథ్యంలో.. మెగాస్టార్ చిరంజీవి స్వయంగా చొరవ తీసుకుని ఈ ఇద్దరు మాస్టర్లను ఒకే వేదికపైకి తీసుకువచ్చారు.
రీసెంట్గా జరుగుతున్న ఒక సినిమా షూటింగ్ సెట్స్లో చిరంజీవి వీరిద్దరినీ పక్కన కూర్చోబెట్టుకుని వారితో సుదీర్ఘంగా చర్చించారు. ఇద్దరి మధ్య ఉన్న చిన్న చిన్న అపార్థాలను, మనస్పర్థలను తొలగించి రాజీ కుదిర్చారు. దీనికి సంబంధించిన ఒక అద్భుతమైన ఫోటో ఇప్పుడు సోషల్ మీడియాలో విపరీతంగా వైరల్ అవుతోంది.
ఈ ఫోటోలో షూటింగ్ బ్రేక్లో శేఖర్ మాస్టర్, జానీ మాస్టర్ ఇద్దరూ చిరంజీవి సమక్షంలో ఎంతో సంతోషంగా నవ్వుతూ కలిసి భోజనం చేయడం మనం చూడొచ్చు. ఇండస్ట్రీలో ఎదిగే క్రమంలో ఇలాంటి వివాదాలు సహజమేనని, కానీ వాటన్నింటినీ పక్కనపెట్టి కలిసికట్టుగా ముందుకు సాగాలని చిరంజీవి వారికి సూచించినట్లు తెలుస్తోంది.
ఒకే ఒక్క సిట్టింగ్లో ఇద్దరు అగ్ర కొరియోగ్రాఫర్ల మధ్య ఉన్న వివాదాన్ని సామరస్యంగా పరిష్కరించిన మెగాస్టార్ చొరవపై ఇప్పుడు ఇండస్ట్రీ వర్గాలు, అభిమానులు ప్రశంసల వర్షం కురిపిస్తున్నారు.
మరి మీరు ఏమంటారు కింద కామెంట్ రూపం లో మాతో పంచుకోండి.