ఓవర్సీస్ బాక్సాఫీస్: టైర్-2 హీరోలకు ‘మిలియన్ డాలర్’ మార్క్ మరీ ఇంత ఈజీ అయిపోయిందా? అసలు లెక్కలివే!
ఒకప్పుడు టాలీవుడ్ బాక్సాఫీస్ దగ్గర ‘ఓవర్సీస్’ (USA) మార్కెట్ అనగానే కేవలం టైర్-1 స్టార్ హీరోల పేర్లు మాత్రమే వినిపించేవి. అమెరికాలో ఒక తెలుగు సినిమా ‘వన్ మిలియన్ డాలర్ల’ ($1 Million) కలెక్షన్స్ సాధించిందంటే అదొక అతిపెద్ద రికార్డు. మహేష్ బాబు లాంటి స్టార్ హీరోలకు మాత్రమే ఆ మార్క్ సాధ్యమయ్యేది. కానీ, ఇప్పుడు ఓవర్సీస్ బాక్సాఫీస్ లెక్కలు పూర్తిగా మారిపోయాయి. మిలియన్ డాలర్ మార్క్ అనేది ఇప్పుడు టైర్-2 (Tier-2) హీరోలకు చాలా ఈజీ అయిపోయింది. అసలు టాలీవుడ్ టైర్-2 హీరోలు ఈ రేంజ్లో ఓవర్సీస్ను ఎలా ఏలేస్తున్నారు?
న్యాచురల్ స్టార్ నాని టార్గెట్ ఇప్పుడు $2.5 మిలియన్లు! టైర్-2 హీరోల్లో ఓవర్సీస్ మార్కెట్ను అత్యంత స్థిరంగా పట్టుకున్న హీరో నాని. ఆయన ప్రతి సినిమా ఈజీగా మిలియన్ డాలర్లు దాటేస్తోంది. ‘దసరా’, ‘హాయ్ నాన్న’ లాంటి సినిమాలు ఏకంగా 2 మిలియన్లు దాటిపోయాయి. నాని తో పాటు.. విజయ్ దేవరకొండ, దుల్కర్ సల్మాన్, అడివి శేష్, అలాగే ‘డీజే టిల్లు’ ఫ్రాంచైజీతో సిద్ధు జొన్నలగడ్డ, ‘జాతిరత్నాలు’ తో నవీన్ పోలిశెట్టి లాంటి యంగ్ హీరోలు ఏమాత్రం కష్టపడకుండానే ఫస్ట్ వీకెండ్ పూర్తయ్యేసరికే మిలియన్ డాలర్ల క్లబ్లో జాయిన్ అయిపోతున్నారు.
మిలియన్ కొట్టడం ఇంత ఈజీ ఎందుకైంది?
దీని వెనుక ప్రధానంగా మూడు కారణాలు ఉన్నాయి:
- టికెట్ రేట్ల పెంపు (Inflation): పదేళ్ల క్రితం ఓవర్సీస్ లో సినిమా టికెట్ ధర $10 నుంచి $12 డాలర్లు ఉండేది. అప్పట్లో ఒక సినిమా మిలియన్ డాలర్లు రాబట్టాలంటే దాదాపు లక్ష మంది థియేటర్లకు వెళ్లాల్సి వచ్చేది. కానీ ఇప్పుడు ప్రీమియర్ షోలకే $20 నుంచి $25 డాలర్ల వరకు వసూలు చేస్తున్నారు. అంటే ఇప్పుడు కేవలం 40 నుంచి 50 వేల మంది ఆడియన్స్ సినిమా చూసినా ఈజీగా $1 Million మార్క్ దాటేస్తోంది.
- ఎన్ఆర్ఐల (NRI) టేస్ట్ మారింది: అమెరికాలో ఉండే తెలుగు ఆడియన్స్ ఎక్కువగా ఐటీ ఎంప్లాయీస్, స్టూడెంట్స్. వీరికి మైండ్ లెస్ మాస్ యాక్షన్ సినిమాల కంటే.. మంచి థ్రిల్లర్స్, కడుపుబ్బా నవ్వించే రొమాంటిక్ కామెడీలు (Rom-Coms), ఫీల్ గుడ్ లవ్ స్టోరీల మీద మక్కువ ఎక్కువ. కంటెంట్ కాస్త కొత్తగా ఉంటే స్టార్ హీరోల సినిమాలను పక్కనపెట్టి మరీ చిన్న సినిమాలకు బ్రహ్మరథం పడుతున్నారు. సరిగ్గా మన టైర్-2 హీరోలు వాళ్లకు కావాల్సిన కంటెంట్నే ఇస్తుండటంతో వసూళ్ల వర్షం కురుస్తోంది.
- మార్కెట్ ఎక్స్పాన్షన్ (Market Expansion): ఒకప్పుడు తెలుగు సినిమా అమెరికాలో కేవలం నాలుగైదు రాష్ట్రాలకే పరిమితం. ఇప్పుడు డల్లాస్ (Dallas) లాంటి ఏరియాలు నైజాం (Nizam) కంటే ఎక్కువ కలెక్షన్స్ ఇస్తున్నాయి. డిస్ట్రిబ్యూటర్లు కూడా వందల సంఖ్యలో స్క్రీన్స్ పెంచుతూ చిన్న సినిమాలను కూడా భారీ స్థాయిలో ప్రమోట్ చేస్తున్నారు. పాస్ లు, ప్రమోషనల్ ఆఫర్స్ కూడా బాగా ఇస్తున్నారు.
కొత్త బెంచ్మార్క్ ఏంటి? కంటెంట్ బాగుంటే ఫస్ట్ వీకెండ్ లోనే టైర్-2 హీరోల సినిమాలు మిలియన్ దాటేస్తున్నాయి కాబట్టి, ఇకపై “$1 Million” మార్క్ను ఒక పెద్ద బెంచ్మార్క్గా చూడాల్సిన అవసరం లేదు. టైర్-2 హీరోలు ఇకపై $2.5 మిలియన్ల నుంచి $3 మిలియన్ల టార్గెట్ పెట్టుకోవాలి. అప్పుడే వారి మార్కెట్ రేంజ్ నిజంగా పెరిగినట్లు లెక్క. ఏదేమైనా భారీ బడ్జెట్లు, స్టార్ హీరోల పాన్-ఇండియా వాయిదాల మధ్య డిస్ట్రిబ్యూటర్లను ఆదుకుంటున్నది ఈ టైర్-2 హీరోల సినిమాలే అనడంలో ఎలాంటి సందేహం లేదు!
దీని పై మీ అభిప్రాయాలను కంద కామెంట్ చేయండి .