ఉస్తాద్ తర్వాత హరీష్ శంకర్ నెక్స్ట్.. ఆ ‘ హీరోతో తోనే
టాలీవుడ్లో పక్కా కమర్షియల్ ఎంటర్టైనర్స్, హీరోల స్వాగ్ను పీక్స్లో చూపించడంలో ముందు వరుసలో ఉండే డైరెక్టర్లలో హరీష్ శంకర్ ఒకరు. పవర్ స్టార్ పవన్ కళ్యాణ్తో చేసిన ‘ఉస్తాద్ భగత్ సింగ్’ తర్వాత ఆయన నెక్స్ట్ ప్రాజెక్ట్ ఎవరితో ఉండబోతోంది అనే దానిపై ఇండస్ట్రీలో తీవ్రమైన చర్చ నడుస్తోంది. ఇప్పుడు ఆ సస్పెన్స్కు తెరదించుతూ ఫిలిం నగర్ సర్కిల్స్లో ఒక క్రేజీ అప్డేట్ విపరీతంగా ట్రెండ్ అవుతోంది.
మాస్ మహారాజాతో మరోసారి: లేటెస్ట్ టాలీవుడ్ బజ్ ప్రకారం.. డైరెక్టర్ హరీష్ శంకర్ తన తదుపరి సినిమాను మాస్ మహారాజా రవితేజతో చేయబోతున్నట్లు గట్టిగా వార్తలు వినిపిస్తున్నాయి. వీరిద్దరి కాంబినేషన్కు బాక్సాఫీస్ దగ్గర ఎలాంటి ట్రాక్ రికార్డ్ ఉందో అందరికీ తెలిసిందే. గతంలో వీరి కలయికలో వచ్చిన ‘మిరపకాయ్’ బ్లాక్ బస్టర్ హిట్ కాగా.. రీసెంట్గా వచ్చిన ‘మిస్టర్ బచ్చన్’ కూడా వీరి కాంబో క్రేజ్ను మరోసారి నిరూపించింది. ఇప్పుడు ముచ్చటగా మరోసారి ఈ మాస్ కాంబో రిపీట్ కాబోతోందని ఇన్సైడ్ టాక్.
స్క్రిప్ట్ వర్క్ షురూ? హరీష్ శంకర్ ప్రస్తుతం ఈ ప్రాజెక్ట్ కు సంబంధించిన స్క్రిప్ట్ వర్క్ ఫైనల్ చేసే పనిలో ఉన్నారట. రవితేజ ఎనర్జీకి ఏమాత్రం తగ్గకుండా, తన మార్క్ మాస్ డైలాగ్స్, యాక్షన్ ఎలిమెంట్స్తో పక్కా కమర్షియల్ మీటర్లో ఈ కథను సిద్ధం చేస్తున్నట్లు సమాచారం. ప్రముఖ నిర్మాణ సంస్థ ఈ భారీ ప్రాజెక్టును ప్రొడ్యూస్ చేయనుందని తెలుస్తోంది.
ప్రస్తుతం రవితేజ తన చేతిలో ఉన్న ప్రాజెక్టులతో బిజీగా ఉండగా.. ఆ కమిట్మెంట్స్ పూర్తి కాగానే హరీష్ శంకర్ సినిమా పట్టాలెక్కే అవకాశం ఉంది. హరీష్ శంకర్ పెన్ పవర్, రవితేజ మాస్ ఎనర్జీ కలిస్తే థియేటర్లలో పూనకాలే అని ఫ్యాన్స్ అప్పుడే అంచనాలు పెంచేసుకుంటున్నారు. త్వరలోనే ఈ క్రేజీ ప్రాజెక్ట్పై మేకర్స్ నుంచి అఫీషియల్ అనౌన్స్మెంట్ వచ్చే ఛాన్స్ ఉంది.దీని పై మీ అభిప్రాయాన్ని కామెంట్ రూపం లో మాతో పంచుకోండి.